Zu Lëtzebuerg markéiert de September d’Enn vum Summer an den Ufank vum neie Schouljoer. D’Kanner bereeden sech drop vir, hir Frënn erëmzegesinn an nei Saachen ze entdecken an ze léieren. Fir Millioune Kanner op der ganzer Welt, déi keen Zougang zur Bildung hunn, gesäit dat allerdéngs ganz anescht aus.
Déi Global Educatiouns-Kris
A Länner mat niddregem oder mëttlerem Akommes kënnen zwee Drëttel vun de Kanner net emol een einfache Saz liesen. Et gëtt geschat, dass 250 Millioune Kanner weltwäit net d’Schoul ginn, a vun deenen, déi higinn, kréie vill keng qualitativ héichwäerteg Bildung.
Hindernisser fir d’Educatioun
Konflikter, de Mangel un Infrastruktur, Aarmut an Ongläichheeten tëscht de Geschlechter sinn nëmmen e puer vun den Hindernisser, déi Millioune Kanner dorun hënneren, eng qualitativ héichwäerteg Bildung ze kréien. Onpassend Léiermethoden an de Mangel u Material an u qualifizéiertem Léierpersonal verschäerfen d’Situatioun.
D’Missioun vun UNICEF: Eng Educatioun fir All Kand
UNICEF setzt sech dofir an, dass all Kand e sécheren Zougang zur Bildung huet, egal wou et hierkënnt, wéi säi sozioekonomesche Status ass, wéi engem Geschlecht et ugehéiert oder ob et eng Behënnerung huet.
Educatioun
E Grondrecht an
E Sprangbriet fir Eng Besser Zukunft
Ären Don kann e wesentlechen Ënnerscheed maachen. Andeems Dir UNICEF ënnerstëtzt, hëlleft Dir mat, essenziell edukativ Ressourcë bereet ze stellen, Enseignanten auszebilden an e séchert Léierëmfeld fir Kanner ronderëm d’Welt ze schafen.
Eisen Asaz fir Eng Zougänglech Bildung
Verbesserung vun der Bildungsqualitéit
Mir ënnerstëtzen d’Ausbildung vum Léierpersonal an d’Abezéihung vun de Communautéiten, fir sécherzestellen, dass d’Bildung vun de Kanner de qualitativen Uspréch entsprécht a si déi beschtméiglech Perspektive kréien.
Bereetstellung vu Schoulmaterial
Op der ganzer Welt stelle mir dat néidegt Schoulmaterial zur Verfügung, fir dass si un de Coursen deelhuele kënnen. Heizou zielen Hefter a Rucksäck, awer och Radioen an Tablets fir den Distanzunterrecht.
Ecucatioun an Noutsituatiounen
An Noutsituatioune wéi Konflikter a Krise suerge mir dofir, dass d’Bildung vun de Kanner kann oprechterhale ginn. No Naturkatastrophen hëllefe mir beim Opbau vu beschiedegten oder zerstéierte Schoulgebaier.
Fërderung vum Digitalen Léieren
Mir entwéckelen digital Léierprogrammer, fir och de Kanner aus entleeënen Gebidder en Zougang zur Bildung ze ginn. Dës Programmer sinn och fir Kanner mat Behënnerung zougänglech. Sou fërdere mir eng inklusiv Bildung fir all Kand.
Schlëssel zu enger besserer Zukunft
D’Hélène war eng vun de beschte Schülerinnen, mee d’lescht Joer konnt hatt net un de Coursen deelhuelen, well et a senger Schoul net genuch Plaz gouf. Hatt huet dovu gedreemt, erëm an d’Schoul ze goen.
Fir den Zougang zur Bildung ze sécheren an doduerch d’Risike vu fréizäitegen Hochzäiten, Mëssbrauch oder Ausbeutung ze reduzéieren, huet d’UNICEF zesumme mat senge Partner temporär Léierräim am Oste vun der Demokratescher Republik Kongo ageriicht.
Dës erméigleche ville Schüler, dorënner och d’Hélène, erëm un de Coursen deelzehuelen, a ginn hinnen e Stéck Normalitéit an onstabillen Zäiten. Mir stellen och Schoulmaterial zur Verfügung a schoulen d’Léierpersonal am Beräich vum Kannerschutz an der psychosozialer Ënnerstëtzung.
Schléisst Iech Eis Un: Är Ënnerstëtzung mécht den Ënnerscheed
“Aktuell ginn et 250 Millioune Kanner, déi net an d’Schoul ginn – eng Hausse vu 6 Millioune Kanner säit 2021. 100 Milliounen dovu liewen um afrikanesche Kontinent. Fir ee Kand ass dat eng Tragedie, fir e Land ass et eng generationell Katastroph.”
Catherine Russell, Generaldirektesch vun der UNICEF
