All Dag liesen a gesi mir op eisen Ecranen, wéi nei humanitär Krisen op der ganzer Welt ausbriechen. Et si Geschichte voller Leed: All nei Kris hannerléisst Famillen an engem Schockzoustand, ouni Schutz an ofhängeg vun humanitärer Hëllef.
Wann et zu enger Katastroph kënnt oder e Konflikt eskaléiert, mobiliséiert sech déi ganz Welt, fir deene Schwächsten ze hëllefen. Mee wann d’Kamerae bis aus sinn an déi weltwäit Opmierksamkeet noléisst, bleiwe vill Kanner weiderhin an dëse Krise gefaang a waarden op Hëllef an Ënnerstëtzung.
BLEIFT FIR D’KANNER
An enger Welt voller Krise bleift d’UNICEF ëmmer un der Säit vun de Kanner a bitt hinnen eng liewenswichteg Hëllef un. Bleift mat eis – fir eng besser Zukunft.
Firwat bleift d’UNICEF nach laang no enger Kris?
Kanner sinn ëmmer am schlëmmste vu Krise betraff. Kricher, Iwwerschwemmungen, Hongersnéit, Dréchenten oder Äerdbiewen – eppes hunn si all gemeinsam: Si hunn zerstéierend Auswierkungen op d’Liewe vun de Kanner.
- Haiser ginn zerstéiert, wouduerch vill Famillen zur Flucht gezwonge ginn.
- Liewensmëttel gi knapp, soudass d’Zuele vun der Ënnerernärung explodéieren.
- Gesondheetssystemer briechen zesummen.
- D’Bildung gëtt ënnerbrach a Schoule ginn zerstéiert.
- Kanner sinn oft Gewalt a Mëssbrauch ausgesat a brauche Schutz.
Bleift un der Säit vun de Kanner!
D’UNICEF ass virun, wärend an no Noutsituatiounen op der Plaz. Virun enger Kris stäerke mir d’Infrastrukturen, ënnerstëtze liewenswichteg Servicer a lageren Hëllefsgidder um Terrain. Soubal et dann zu enger Kris kënnt, maache mir alles, fir d’Kanner ze schützen an dofir ze suergen, dass si Zougang zu Bildung, propperem Waasser, Iessen a medezinescher Versuergung hunn.
Mee eist Engagement hält do nach net op. Och no der akuter Phas vun enger Kris bleiwe mir soulaang, wéi et néideg ass, fir d’Bevëlkerung ze ënnerstëtzen an hir ze hëllefen, sech vun de Follgen ze erhuelen. Mir bedeelegen eis um Opbau vun Infrastrukture wéi Spideeler a Schoulen a bidde psychosozial Ënnerstëtzung fir d’Kanner, déi hinnen hëlleft, déi traumatesch Erliefnesser ze verschaffen.
Fir de Kanner dës liewenswichteg Hëllef och weiderhi bidden ze kënnen, brauche mir Iech! Kuckt net ewech. Bleift fir d’Kanner!
Global Parent: Gitt reegelméissege Spender a bleift dauerhaft
Wëllt dir all Mount hëllefen a fir d’Kanner a Krisen do sinn? Da gitt reegelméissege Spender a maacht all Mount weltwäit en Ënnerscheed duerch Ären Don. Dës reegelméisseg Spenden si fir eis Aarbecht ganz besonnesch wäertvoll a kommen ëmmer bei deene Kanner un, déi grad am dréngendsten op Hëllef ugewise sinn.
